88

عدالتی فیصلے تسلیم کرنے چاہئیں، محاذ آرائی حکومت کیلئے درست نہیں: چودھری نثار

پاکستان میں آپریشن ہماری تضحیک ہے، خود مختار ملک اپنی حدود میں آپریشن کی اجازت نہیں دے سکتا، پاکستان میں آپریشن کیلئے ہماری اپنی فورسز ہی کافی ہیں: رہنما ن لیگ
ٹٰیکسلا: رہنما مسلم لیگ (ن) چوہدری نثار نے پریس کانفرنس کرتے ہوئے کہا اسوقت ملک میں جمہوریت اور قانون ہے، عدالت حقائق کے مطابق فیصلہ کر رہی ہے۔ انہوں نے کہا عدالتی فیصلے تسلیم کرنے چاہئیں، کسی قسم کی محاذ آرائی نہیں ہونی چاہئے، اس کا نقصان نواز شریف اور پارٹی کو ہوگا، جمہوری اور مہذب معاشروں میں فیصلے عدالتیں ہی کرتی ہیں۔ سابق وزیر داخلہ نے کہا میرا خیال ہے شیخ رشید مایوس ہیں اور میں ان کی خواہشات کے مطابق سیاست نہیں کر سکتا۔
چوہدری نثار نے کہا فوج اور انٹیلی جنس اداروں کی صلاحیتوں پر بھرپور اعتماد ہے، پاک فوج دنیا کی 5 ویں بڑی فوج ہے۔ انہوں نے کہا پاکستان میں آپریشن ہماری تضحیک ہے، خود مختار ملک اپنی حدود میں آپریشن کی اجازت نہیں دے سکتا، پاکستان میں آپریشن کیلئے ہماری اپنی فورسز ہی کافی ہیں۔ چوہدری نثار نے کہا یہاں آپریشن ہونا ہے تو افغانستان میں بھی ہونا چاہیئے، اداروں پر تنقید نہیں ہونی چاہیئے، وزیراعظم اداروں پر تنقید کرنے والوں کا نوٹس لیں، میرے دور میں وزارت داخلہ متحرک تھی۔ سابق وزیر داخلہ نے کہا حکومت کی باگ ڈور آپکے ہاتھ میں ہے ،گھر صاف کریں، گھوڑا بھی ہے اور میدان بھی، اپنا گھر صاف کرنے سے اچھے نتائج ملیں گے۔
مسلم لیگ ن کے رہنما کوئی فارورڈ بلاک نہیں بن رہا، حکومت کو خوش کرنے کیلئے غلط بات نہیں کر سکتا، 1985 سے 2013 تک پارٹی سے کبھی ناراض نہیں رہا، 2013 کے بعد تین چار واقعات ہوئے، میاں صاحب کو مسائل سے آگاہ کیا۔

Facebook Comments

اس خبر پر اپنی رائے کا اظہار کریں